FAʼAHI 8
Koteā Te Fakaʼuhiga Kiā Koutou ʼo Te Mate ʼa Sesu?
Neʼe mate ia Sesu ke feala ai hatatou maʼu te maʼuli. Soane 3:16
ʼOsi ʼaho e tolu ki te mate ʼa Sesu, pea neʼe ʼolo ʼihi fafine ki tona falemaka pea neʼe natou maʼu atu ʼe tuʼu lāvaki. Neʼe kua fakatuʼuake Sesu ia e Sehova mai te mate.
Ki muli age neʼe hā ia Sesu ki tana kau ʼapositolo.
ʼEī, neʼe kua fakatuʼuake e Sehova ia Sesu ʼe ko he laumālie mālohi, mo maʼuli tuputupua. Pea neʼe mamata ia te ʼu tisipulo ʼa Sesu ki tana hake ʼaē ki selō.
Taniela 7:13, 14
Neʼe fakatuʼuake e te ʼAtua ia Sesu pea mo ina fakanofo ke Hau ʼi te Puleʼaga ʼo te ʼAtua.Neʼe foaki e Sesu ia tona maʼuli moʼo totogi te mālamanei. (Mateo 20:28) ʼAki te totogi ʼaia, neʼe feala ai ki te ʼAtua ke ina foaki mai kiā tātou ke tou maʼu te maʼuli heʼegata.
Neʼe fakanofo e Sehova ia Sesu ke Hau moʼo puleʼi te kele kātoa. ʼE kaugā hau anai mo ia te toko 144 000 hahaʼi agatonu pea neʼe fakatuʼuake nātou mai te kele ke natou māʼuʼuli ʼi te lagi. ʼE faʼufaʼu e Sesu pea mo te toko 144 000 te puleʼaga faitotonu ʼo te ʼAtua ʼi te lagi.—Fakahā 14:1-3.
ʼE fakaliliu anai e te Puleʼaga ʼo te ʼAtua ia te kele ko he palatiso. ʼE pulihi anai te tau, mo te faifakapō, mo te masiva pea mo te pakupaku. ʼE fiafia moʼoni anai ia te hahaʼi.—Pesalemo 145:16.