Pali pamasile masiku gatatu Yesu ali awile, achakongwe ŵatatu ŵapite kukulola mmalembe muŵamŵisile jwalakwe, ni ŵasimene muli mwangali chilichose. Yehofa ŵaliji ali amjimwisye ku ŵawe.

Kaneko Yesu ŵawonechele kwa ŵakulijiganya ŵakwe.

Ndaŵi jelejo Yehofa ŵaliji ali ampele Yesu umi wamachili kuti aŵe mundu jwausimu jwangakomboleka kuwa. Ŵakulijiganya ŵa Yesu ŵam’weni jwalakwe ali mkwawula kwinani.

Yesu ŵapeleche umi wakwe kuti atuwombole. (Mateyu 20:28) Kupitila mu kutuwombola kweleku, Mlungu alinganyisye yakuti yiŵe yakomboleka ŵandu kutama ni umi wangamala.

Yehofa ŵamsagwile Yesu kuŵa Mwenye jwakulamulila chilambo chosope chapasi. Jwalakwe chachilamulila yimpepe ni ŵandu ŵakulupichika ŵakwana 144,000, ŵakwimuka kutyochela pachilambo chapasi kuja kutama ni umi kwinani. Yesu, yimpepe ni ŵa 144,000 akupanganya boma jakulungama jakwinani, jajili Uchimwene wa Mlungu.—Chiwunukuko 14:1-3.

Uchimwene wa Mlungu uchilinganya chilambo kuŵa paladaiso. Pandaŵiji, ngondo, kasa malamusi, usawuchi, soni sala, yichimala. Ŵandu chachiŵa ŵakusangalala yisyesyene.—Salimo 145:16.