PARTE 8
¿Jaisakai Jesús mukuk?
Jesus mukuk jiba yuu itom jiapsine betchiʼibo (Joan 3:16)
Baji taewaim weyeo Jesus mukilatakai, jaamuchim aman a bitbokan a maawakawi, intok kaabeta ama teak, bweʼituk Jehova a jiabijtetuak.
Cheʼa chukula Jesus a apojtolowammeu au yeu machiak.
Aapo ka yoem takaʼapo jiabijtek. Lioj takaʼata a makak ankelesim maachi benasia. Jume a majtim a bichak teekau jikau a chaʼatuu. Iani, aapo jakko juniʼi ka aa mukne.
Lioj juka Jesusta a jiabijtetuak intok a Yaʼurawapo a nesautuak (Apokalipsis 11:15)
Jesus a jiapsiwa aman bwisek itom ka tuʼi yaʼarim intok kokkowamta betana itom jinneʼu betchiʼibo (Mateeo 20:28).Junuensan, Lioj juka jiapsiwamta jiba betchiʼibo itom aa maka.
Jehova juka Jesusta yeu puʼak aniat a nesaʼunepo teeka betana. Aemake 144,000 Liojta nok jikkajame teekau jiapsine jiabijtetuawako. Junuʼu junaʼa juʼu Liojta Yaʼura (Apokalipsis 14:1-3).
Juʼu Liojta Yaʼura siʼime Bwiata ujyolisi a yaʼane. Kaita nassuawame, ka tuʼik boʼojooriame, tebaa intok pobea juniʼi, juʼu ka tuʼi luʼutine. Alleewame aune (2 Peeo 3:13).
Puede que también le interese
WASUWASUKTEKA AU WAATIWAME
Au te waatine Jesusta mukuka’apo
Enchi te aman nunu aman itomak enchi anne betchi’ibo junae taewai che’a eiyaa watchika ya’abaawawi. Ake a ta’ane jaisa empo aa tu’ik ama mabetne juka Jesusta jiapsisuka intok a mukuka betchi’ibo.
LIBROM INTOK FOLLETOM
¿Jume kokkolame juchi jiabijtenemme jaani?
¿Empo senuk em si nakemta empo taʼarula? Juʼu Biblia yanti jiapsiwamta yee maka junaʼa aa enchi aniane.
