APÁ 8
Kí Ni Ikú Jésù Mú Kó Ṣeé Ṣe fún Ọ?
Jésù kú torí ká lè ní ìyè. Jòhánù 3:16
Ọjọ́ mẹ́ta lẹ́yìn tí Jésù kú, àwọn obìnrin kan lọ síbi ibojì rẹ̀, wọ́n sì rí i pé ibẹ̀ ṣófo. Jèhófà ti jí Jésù dìde.
Lẹ́yìn náà, Jésù fara han àwọn àpọ́sítélì rẹ̀.
Bẹ́ẹ̀ ni o, Jèhófà jí Jésù dìde, Jésù sì ti di ẹ̀dá ẹ̀mí alágbára tí kò lè kú mọ́. Àwọn ọmọ ẹ̀yìn Jésù rí i bó ṣe ń lọ sí ọ̀run.
Ọlọ́run jí Jésù dìde, ó sì sọ ọ́ di Ọba Ìjọba Ọlọ́run. Dáníẹ́lì 7:13, 14
Jésù fi ẹ̀mí rẹ̀ lélẹ̀ kó lè fi san ìràpadà fún aráyé. (Mátíù 20:28) Ìràpadà yẹn ni Ọlọ́run lò láti mú kó ṣeé ṣe fún wa láti wà láàyè títí láé.
Jèhófà fi Jésù jẹ Ọba tó máa ṣàkóso ayé. Àwọn ọ̀kẹ́ méje ó lé ẹgbàajì (144,000) olóòótọ́ èèyàn tí Ọlọ́run jí dìde láti ayé sí ọ̀run ló máa ṣàkóso pẹ̀lú rẹ̀. Jésù àti àwọn ọ̀kẹ́ méje ó lé ẹgbàajì (144,000) yìí ló máa para pọ̀ di Ìjọba Ọlọ́run, wọ́n á sì fi òdodo ṣàkóso láti ọ̀run.—Ìfihàn 14:1-3.
Ìjọba Ọlọ́run máa sọ ayé di Párádísè. Kò ní sí ogun, ìwà ọ̀daràn, ipò òṣì àti ebi mọ́. Inú àwọn èèyàn á máa dùn gan-an.—Sáàmù 145:16.
O Tún Lè Wo
ÀWỌN Ẹ̀KỌ́ PÀTÀKÌ INÚ BÍBÉLÌ
Kí Nìdí Tí Jésù Fi Kú?
Bíbélì jẹ́ ká mọ̀ pé ikú Jésù ṣe pàtàkì gan-an. Ṣé àǹfààní kankan wà nínú ikú Jésù?
KÍ LÓ WÀ NÍNÚ BÍBÉLÌ?
Wọ́n Pa Jésù Kristi
Kí wọ́n tó da Jésù, tí wọ́n sì kàn án mọ́gi, ohun tuntun wo ló dá sílẹ̀, pé ká máa rántí?
ÌRÁNTÍ
Ìrántí Ikú Jésù
Inú wa dùn láti pè ọ́ pé kó o wá ká jọ ṣe ohun pàtàkì tí Jésù dá sílẹ̀ yìí. Wàá kọ́ nípa bí ìgbésí ayé Jésù àti ikú rẹ̀ ṣe lè ṣe ọ́ láǹfààní.
ÌWÉ ŃLÁ ÀTI ÌWÉ PẸLẸBẸ
Ǹjẹ́ Àwọn Òkú Lè Jíǹde?
Ṣẹ́ ẹnì kan tó o fẹ́ràn ti kú rí? Ìlérí tí Bíbélì ṣe lè tù ẹ́ nínú.
