TINI KI 8
Bila mbi lufua lu Yesu luidi mfunu kudi ngeyo ee?
Yesu wufua muingi tubaka luzingu. Yowani 3:16
Bo Yesu kafua, lumbu tatu bivioka, baketo bayenda ku ziami kiandi. Vayi basi mona ko nitu yi Yesu. Yehova wumfulukisa mu bafua.
Va nima, Yesu wumonikina bapostolo bandi.
Mu kiedika, Yehova wufulukisa Yesu nzelo yi ngolo yilendi bue fua ko. Minlonguki miandi bamona bue kabe kumina ku diyilu.
Nzambi wufulukisa Yesu, wumbieka Ntinu yi Kipfumu ki Nzambi. Danieli 7:13, 14
Yesu wuvana luzingu luandi khudulu yi batu bawombo mu lufua. (Matayi 20:28) Mu khudulu beni, Nzambi wutuveni diluaku di bakila luzingu lukalumani.
Yehova wubieka Yesu ntinu muingi kayadila ntoto mvimba. Va nima lufua va ntoto ayi mfulukulu’awu, batu 144 000 bela zinga ayi Yesu va kimosi ku diyilu. Yesu ayi 144 000 basedi guvernema yi busonga ku diyilu—Kimfumu ki Nzambi.—Tsongolo 14:1-3.
Kimfumu ki Nzambi kiela kitula ntoto paradizo, tsola yi mbote. Zimvita, lukasu, buphumbulu ayi nzala biela mana. Batu babo bela ba mu mayangi.—Nkunga 145:16.
Bakula phe mambu mankaka
MINKANDA & MUA MINKANDA
Bafua bela bue zinga diaka?
Wu meteka zimbisa mutu nio weta zola mu lufua? Zi tsila zi lukindusu zi bibila zi lenda ku sadisa.
