JAATSIL 8
¿Baʼaxten kíim Jesús?
Jesúseʼ kíim utiaʼal ka páajchajak k-kuxtal minaʼan u xuul (Juan 3:16)
Tres días kíimik Jesúseʼ, jujuntúul koʼoleloʼobeʼ bin u yiloʼob tuʼux muʼuki. Le ka kʼuchoʼobeʼ minaʼan u wíinklil Jesúsiʼ. Kaʼa kuxkíintaʼab tumen Jéeoba.
Jesúseʼ tu chíikbesuba tiʼ u apóstoloʼob ka tsʼoʼok u kaʼa kuxkíintaʼal.
Le wíinklil tsʼaʼab tiʼ Jesús tumen Dios le ka tsʼoʼok u kaʼa kuxkíintaʼaloʼ bey jeʼex utiaʼal le ángeloʼoboʼ. Jesúseʼ ilaʼab u bin teʼ kaʼan tumen u discípuloʼoboʼ. Bejlaʼeʼ juntúul ángel jach yaan u poder yéetel mix bikʼin kun kíimil.
Dioseʼ tu kaʼa kuxkíintaj Jesús yéetel tu beetaj Reyil tiʼ u Reino (Daniel 7:13, 14)
Jesúseʼ tu tsʼáaj u kuxtal utiaʼal u jáalkʼabtik máak tiʼ le kʼeban yéetel le kíimiloʼ (Mateo 20:28). Yoʼolal le baʼax tu beetoʼ jeʼel u páajtal k-kuxtal utiaʼal mantatsʼeʼ.
Jéeobaeʼ tu yéeyaj Jesús utiaʼal u gobernartik le Luʼum desde teʼ kaʼanoʼ. Chéen baʼaleʼ maʼ tu juunal kun gobernariʼ, yaan u yáantaʼal tumen 144,000 máakoʼob kun kaʼa kuxkíintbiloʼob utiaʼal u binoʼob kaʼan. Le Reino ken u nuʼukt Jesúsoʼ jach maʼalob tumen Dios tsʼaamil (Apocalipsis 14:1-3).
U Reino Dioseʼ yaan u jatsʼutskíintik tuláakal le Luʼumaʼ. Maʼ tun antal guerraʼob, kʼasaʼan máakoʼob, óotsilil mix wiʼijil. Tuláakal máak kun kuxtal ich kiʼimak óolal (Salmo 145:16).
Maʼ xaaneʼ jeʼel u yutstal xan ta wicheʼ
BAʼALOʼOB UNAJ A KANIK
¿Baʼaxten kíim Jesús?
Le Bibliaoʼ ku yeʼesikeʼ u kuxtal Jesús tu kʼuboʼ junpʼéel baʼal jach kʼaʼanaʼan. ¿Yaan wa utsil ku taasik?
LE BIBLIAOʼ TIʼ BAʼAX KU TʼAAN
Jesuseʼ kíimi
¿Baʼax túumben kʼiinbesajil tu káajsaj Jesús táanil tiʼ u kʼuʼubul yéetel tiʼ u baʼajal teʼ cheʼoʼ?
KʼAʼAJSAJIL
Kʼaʼajs úuchik u kíimil Cristo
Kiʼimak k-óol k-invitartikech utiaʼal ka a muchʼaba t-éetel. Yaan a kanik baʼax utsil jeʼel u taasiktech úuchik u kʼubik u kuxtaleʼ.
LIBROʼOB YÉETEL FOLLETOʼOB
¿Jeʼel wa u kaʼa kuxtal le kimenoʼoboʼ?
¿Yaan wa máax a yaabiltmaj tsʼoʼok u kíimil? Le baʼax ku yaʼalik le Bibliaoʼ jeʼel u líiʼsik a wóoleʼ.
