LECCIÓN ZINGO 8
Bixhkié goti Jesús
Jesús gotié nakán rhoo waazekié suarha tzalasa (Juan 3:16)
Nan gdé tzona dza goti Jesús, bala nigolha guiajke lo yerhoba kie naʼ bi no yaxhákake. Jeobá chi bospanhe leʼ.
Goka stika Jesús yajtzague bene guiajlenke leʼ.
Katí bebane birhé goke ka benachi. Dios beyone leʼ bene bi nalé, ka nákaka ángeles. Bene guiajlenke leʼ blékene nan bebenhe yibá. Nan nake bene birlérhune chi nape yelarzekie birhé bata gatie.
Dios bospanhe Jesús naʼ benhe leʼ bene ynebe lo Yelarnebé kie (Daniel 7:13, 14)
Jesús bdé yelanebán kie naʼ kan benachi yelake lo dolaxhguiá len yelagoti (Mateo 20:28). Xhlen tan benhe kan, Dios waka goneʼ kierha yelanebán tzalasa.
Jeobá gleaje Jesús naʼ ynebe Lichhileyó gaʼ zuate yibá. Laga toze ynebe. Len leʼ ynébeka 144,000 benachi wezenaga naʼ suake yibá nan yibanke. Yelarnebé chhiatzawe ní naka Yelarnebé ki Dios (Revelación [Apocalipsis] 14:1-3).
Yelarnebé ní yón doxhén Lichhileyó to gasdán. Birhé gataʼ dila, yelawentaxhinaj, yelayechi len gbin. Bene weyibékene (Salmo 145:16).
Puede que también le interese
CONMEMORACIÓN
Dzajnérha yelagoti ki Jesús
Rlédzato lí na dzajnerha tzaxhen Jesús. Na’ kixhaje’ bí banheza silho ki yelagoti ki Jesús.
LIBRO LEN FOLLETO
A wazékie bene nati yizuake ta yobla
A chi goti bene rhékelo. Yelarbezalachhi tan zua lo Biblia wakalen lí.
