AKPASUA 9
?Cɛn benin yɛ asiɛ’n káci mɛn klanman ɔn?
Afɛ ng’ɔ o sran’m be su’n kle kɛ Ɲanmiɛn Sielɛ’n su wa yi i wun nglo. Lik 21:10, 11; 2 Timote 3:1-5
Sa nga e wun be andɛ’n, Biblu’n dun mmua boli be nun sunman be jɔ. Ɔ kannin kɛ sran’m bé yó sika klofuɛ, yɛ ba’m be ɲin su yiman be si nin be nin mun, naan sran’m bé yó wlɛ, yɛ bé fá mɛn dilɛ’n cící be ti.
Ɔ kɛnnin i ekun kɛ asiɛ’n wá kéje, yɛ bé dí alɛ, naan awe’n wá kpɛ́n, naan tukpaciɛ mɔ be sa ndɛndɛ’n, bé trú lika’n nun. Ninnge sɔ mun yɛ e wun be andɛ kusu ɔ.
Zezi seli ekun kɛ bé bó Ɲanmiɛn Sielɛ’n i jasin fɛ’n mɛn wunmuan’n nun.
Ɲanmiɛn Sielɛ’n wá núnnún sa tɛtɛ’n kwlaa. 2 Piɛr 3:13
Ɔ cɛ kaan sa’n, Zoova wá núnnún klunwifuɛ mun.
Bé cí Satan nin i mmusu mun.
Be nga be tie ndɛ nga Ɲanmiɛn kan’n, bé fíte nun yɛ bé trán mɛn klanman’n nun. Mɛn sɔ’n nun’n, akluntitiɛ’n su tranman lɛ kun, sran’m bé láfi be wiengu su yɛ bé kló be wun.
Ninnge wie mɔ be kwla yo ɔ fɛ ekun'n
FLUWA NIN FLUWA PƐPLƐƐPLƐ MUN
?Ngue yɛle Ɲanmiɛn Sielɛ’n?
I nun mɔ Zezi o asiɛ’n su wa’n ɔ yili like nga Ɲanmiɛn Sielɛ’n wá yó’n i nglo kan.
FLUWA NIN FLUWA PƐPLƐƐPLƐ MUN
?Cɛn wie lele ɲrɛnnɛn’n wíe?
Biblu’n waan kɛ e wun ɲrɛnnɛn mɔ be bu e lufle’n ɔ yo Ɲanmiɛn i ya kpa naan ɔ nian sran’m be lika. ?Wafa sɛ yɛ ndɛ sɔ’n kwla yo amun ye ɔ?
