SJOLOMAL 9
Bʼakʼin tʼe wachʼtzin olajxikan lum luʼum tik?
Ha juntzanh owal skil tiknaʼik schʼoxaneli to hajun yajalil chiʼ lakʼanhxo ay (Lucas 21:10, 11; 2 Timoteo 3:1-5)
Ayxo stiempoʼal yalan chʼanh Biblia juntzanh owal skil tiknaʼik. Yalnak chʼanh to ha hebʼ uninabʼil manh olsmaklej yabʼ smam snun hebʼ. Haxo hebʼ anima manh wachʼoklaj olyutej sbʼa, olxajanej kʼen tumin hebʼ yetʼ juntzanh ay tʼa sat lum luʼum tik.
Yalnak paxi to olujok juntzanh niwan kixkabʼ, owal, wejel yetʼ niwan ilya, icha skil tiknaʼik.
Ha Jesús ixʼalani to olalchaj wachʼ abʼix yik Yajalil Komam Dios tʼa masanil sat lum luʼum tik (Mateo 24:14).
Ha sYajalil Komam Dios olyakʼlajwok masanil tas manh wachʼoklaj (2 Pedro 3:13)
Ha hebʼ anima manh wachʼoklaj toxo ol-lajwel hebʼ yuj Jehová.
Olsatel winh Satanás yetʼ hebʼ sdemonios.
Ha hebʼ anima smaklan yabʼ Komam Dios olaj hebʼ tʼa sat jun lum luʼum bʼaj ay xajanabʼil, junkʼolal yetʼ tojolal bʼaj manhxalaj mach olxiwok. Malaj junok mach olesanok, te yelnhej masanil tas olyal hebʼ.
Syal pax hilan jun tik
LIBROS YETʼ FOLLETOS
Tom ay junok kʼuʼal, bʼajtil manhxo olkabʼlaj syaʼil?
Chanh Biblia syala to ha komam Dios olyakʼlajwok masanil yaʼelal winh. Syalan pax junelxo to schakel juntzanh manh tojolok winh, palta xajanej hebʼ anima winh. Tas tzʼelkʼoch jun chiʼ tʼayach?
