Part 9
Neiako moro shèrï wèʼchopo nosamba?
Yaame weiniokon ènï nono kuʼpo kïnupuʼpoan Opoto Papa Niyopotomarïʼwa penaro watï weʼpetakamanokon enèpïrïpïa. Luke 21:10, 11; 2 Timothy 3:1-5
Opoto Papa Karetarïʼwa uwapororo tokarishe yeijïman ma apïimie ènï wèʼchopo ta neiyan òtïkon, ijokon. Tokarishe iʼya ma kariʼnia choʼpo pïrata apokurume wèʼchonon me yeijïkon, tïyumï maro tïsano euran onetaʼpa eropa iʼmiakonïmbo weijï, tïwoókamon me amukon weijï, juʼpïa tïwotapòrïkon epotopo ròten upiniamon me eropa.
Tokarishe eropa yèíʼpio ma opotonon tïrïrïngon weijïman, woónokon, saniʼmie tonasen weijï, wèʼchopo wararo anïkïkon eropa. Ènïkon eromero kïnïsan.
Jesasʼwa eropa tokarishe ma moro juʼpïn ouranano moro yopotomarï poko yokarichïrïpïa tïaʼroro moro nono ta.—Matthew 24:14.
Moro Nyiopotomarï ijomboro yaame weiniokonïmbo èmimianomba. 2 Peter 3:13
Jehoba shèrïmero ijomboro moʼkaron yaangon woʼmanomba.
Setan maro moʼkaron yoroʼkangonïmbo tïkotaʼmapòrïkon epoatomba.
Moʼkaron Opoto Papa euran etanamon kïnepatoʼmatomba moro juʼpïn shèrï wèʼchopo taka. Moro ta te, uwaro ambòre wètïʼkano kïneiamba, juʼpïa kombaijo osepoko moʼkaron kariʼnia mandon, otapokume tïweijïkon ta.
Ambïako oyapokurume eropa ma
TÏPÏIMIANGON MARO TAKARARAMON PÒRE KARETAKON
Neiara Opoto Papa kariʼnia emamïrï kuraʼmanopa nono kuʼpo?
Nono kuʼpo tïwèíʼpiomboto, Jesasʼwa asi tonepo yèíʼpiombo ma neiara yeij ïman Opoto Papaʼwa yopotomarï mero.
TÏPÏIMIANGON MARO TAKARARAMON PÒRE KARETAKON
Amumbo yakoro wane komamïrïkon anïʼmanamon uwaro neiyamba?
Opoto Papa atoʼke pane roten amu poko amu yaame weinio ekarishan Charetarï, tuwaronome yeijï eropa kariʼnia poko. Neiara moro uputïrï owepatomanopa?
