TEEL 9
Wan khomt tas Paratiis?
Ti propleeme woos hayt këpt pewayse tas Kot sayn Raych palt khomt. Lucas 21:10, 11; 2 Timóteo 3:1-5
Fiil was hayt paseert hot ti Piipel xon foer hëyer kesaat. Too xteet tas ti layt tas këlt liipe teete, un ploos aan feste tënke teete. Tii teete nët ti ëltere aan heere un weere xlim.
Un too weere kroose ëyert xutere, kriiche, hunger noot un iweral krankheete. Tas ales tuut hayt paseere.
Yeesus hot noch kesaat tas, ti kuute otere fom Raych teete uf te kans Ëyert kepreeticht këpe. — Mateus 24:14.
Tas Raych pringt ti kans xlëchtichkheet tsum ën. 2 Pedro 3:13
In khorts tsayt, tuut Yeehoowa ti xlëchte al fernichte.
Satanaas un ti xlëchte ëngele wëre kextrooft.
Weer Kot aan heere tuut playpt fer imer am leewe. Tii tuun tan uf een rëcht naye wëlt leepe. Too këpts kheen pang, un ti layt tuun sich liipe un eene aan te anere klaape.
Fiilaycht tuust tuu aach kërn hon
PIICHER UN PIICHELCHER
Was is Kot sayn Raych?
Wii Yeesus uf te Ëyert waar, hot ëyer pisie ketsaycht was tas Raych noch macht.
PIICHER UN PIICHELCHER
Meecht ti Traurichkheet Een Ën Kriin?
Ti Piipel saat tas Kot wuut fom unrëcht hot un sich mit te layt khimert. Was macht tas in tayn leewe aus?
