PARTE 9
Sonu Anni Duttal i Paraiso?
I ziga-riga ira ta mundo i ebidensia nga aranni ngana nga pabbalinan na Pammaguray na Dios tu paraiso i davvun. Lucas 21:10, 11; 2 Timoteo 3:1-5
Neprofesiya ta Biblia i aru nga mesissimmu ngana sangawe. Sigun ta Biblia, i totolay ay mabbalin tu minangngaya ta kuartu, ari nga manguru-kurug ta magana da, awang tu allo da ta kasittolay da anna minangngaya ta sobra nga pappaga-pagayayya.
Egga ira i masikan nga luni-lunig, gegerra, pabbisi-bisin anna taki-taki nga awang tu uru na. Mesissimmu ngana danawe.
Kinagi paga ni Jesus tu melayya-gayya i mapia nga dumug na Pammaguray na Dios ta interu nga davvun.
2 Pedro 3:13
Alsan noka na Pappatulan na Dios i ngamin nga kinarakay.Aranni ngana nga daralan ni Jehova ngamin i marakay nga totolay.
Makastigu noka si Satanas anna i demonio na ira.
Danuri maggigginna ta Dios ay mapaliag. Mattolay ira ta matunung anna bagu nga mundo. Tari, awang ngana noka tu kanannassing gafu ta ngamin nga totolay ay makkinna-aya anna mammakatalo ta sinaggi-tadday.