CHIHANDA 9
Uno Palachise Nayikeza Mwaka Uka?
Ukalu unakusoloka hano hamavu uli nakusolola nge Wangana waKalunga kalinwomu wizenga. Luka 21:10, 11; WaChimoteu 2, 3:1-5
Mbimbiliya yahanjikile chimweza vyuma vyavivulu vili nakusoloka makumbi ano. Yambile ngwayo vatu navakapwa vaka-kuzanga jimbongo, vaka-kulikanga kuli visemi javo, vaka-ukenya, kaha nawa vaka-kuzanga viseke.
Nakukapwa mindenda yayinene, najijita, najizala, namisongo yavihita. Vyuma kanevi vili nakusoloka makumbi ano.
Kaha nawa Yesu ambile ngwenyi mujimbu wamwaza waWangana navakawambulula hamavu hosena.—Mateu 24:14.
Wangana waKalunga naukafumisako upi wosena. WaPetulu 2, 3:13
Yehova kalinwomu anongese vatu vakuhuka vosena.
Satana navandemone jenyi navakavazangamisa.
Vaze veji kwivwililanga kuli Kalunga navakayovoka nakwingila mukaye kakahya kakwoloka muze kamweshi kukapwa vyuma vyakwivwisa womako. Vatu navakalifwelela nakulizanga umwe namukwavo.
Pamo Nauzanga Nawa
MIKANDA NAJIMBULOSHUWA
Wangana waKalunga Chuma Muka?
Omu Yesu apwile hano hamavu, alingile vyuma vyamwaza vize Wangana naukalingila vatu kulutwe.
MIKANDA NAJIMBULOSHUWA
Uno Kuyanda Nachikeza Kakuma Tahi?
Mbimbiliya ngwayo Kalunga kasaka kumona vatu navavayanjisako kaha nawa ngwayo eji kuvazakamanga. Uno munahase kunganyala ngachilihi?
