LEKTIONA 9
An hawo tsiro well o paradiso?
I tsele probleme ap mari phub tsikerenna, gai o paradiso glan maro wuhda hi. Luka 21:10, 11; 2. Timoteo 3:1-5
An i bibla hi pral kola bud probleme ap mari phub an maro tsiro tchindo. I bibla penella, gai bud o lowe gamenna, gai shunenn tchawe bude gar ap o dadeste, ap i date, gai hin le midjak un gai khamenn jon kokeres pal pengro shero te djiwell.
Hi ninna tardo, gai well i phub sorles trisslemen, te dell khurepen, bokh un gai well o nasslepen djungleda. An maro tsiro dell kowa hallauter.
O Jesus penas ninna, te well o latcho lab pral o Dewleskro Them ap i tseli phub pendes (Mateo 24:14).
2. Petro 3:13
O Dewleskro Them anell gamlepen, ninna bachtlepen.O Jehowah marell an i tikno tsiro kola tsele, gai midjak hin.
O beng un kola tikne benga, gai wenna demone kharedes, wenna phagedino.
Hakeno, gai ap o Dewleste shunella, atchell djides. Jon djiwenn ap i phup, gai kek tchilatchepen, ninna kek traash buda della. An ko tsiro hi hakeno tiro maal un hakeno gamell pes.