PISI 9
Na un ten di Paladëisi o ko?
Dee fuka dee dë a goonliba ta lei u gbelin taa abiti möön di Könuköndë u Gadu o du wan soni. Lukasi 21:10, 11; 2 Timoteo 3:1-5
Di Bëibel bi taki a fesi u sömëni u dee soni dee ta pasa a di ten fuu aki. A bi taki taa sëmbë bi o lobi möni, miii an bi o ta piki dee gaan sëmbë u de buka, sëmbë bi o hogi kuma taku mbeti, nöö de bi o lobi piizii tu.
Goon bi o ta seki ta latja kamian, gaan feti bi o dë, gaan hangi bi o ko, nöö taku siki bi o ko a mundu. Dee soni dë ta pasa nöunöu aki.
Jesosi bi taki söseei taa di bunu buka u di Könuköndë bi o paaja te dou hii goonliba.—Mateosi 24:14.
Di Könuköndë o puu hii hogi libi a goonliba. 2 Petuisi 3:13
Abiti möön Jehovah o kii hii dee hogi sëmbë puu.
Saatan ku dee taku jeje o kisi sitaafu.
Dee sëmbë dee ta haika Gadu o pasa libilibi go a wan njunjun goonliba ka leti libi nöö o dë. Naandë sëmbë an o ta fëëë möön. A o dë wan goonliba ka sëmbë o ta futoou de na de, nöö de o ta lobi de na de tu.
Kandë i lobi dee woto aki tu
BUKU KU BROCHURE
Andi da di Könuköndë u Gadu?
Di Jesosi bi dë a goonliba aki, a bi lei u dee soni di di Könuköndë u Gadu o du.
BUKU KU BROCHURE
Pena ku fuka o kaba wan daka u?
Di Bëibel ta taki taa Gadu o puu hii pena. A ta taki söseei taa Gadu an lobi hogilibi, nöö a ta booko hën hedi tuutuu ku sëmbë. Un wini i sa feni?
