Ko leva ne ‵valo mai i te Tusi Tapu a mea e uke kolā ko ‵tupu i aso nei. E fai mai i ei me i tino ka fia‵fia malosi ki tupe, kae se faka‵logo ki olotou mātua, e amio fakasaua, e va‵lea ki fakafiafiaga.

Ka isi ne mafuie, taua, ka se lava meakai, kae ka uke a masaki kese‵kese. Konā eiloa a mea ko ‵tupu i aso nei.

Ne fai mai foki a Iesu, me ka talai atu a te tala ‵lei e uiga ki te Malo i te lalolagi kātoa.—Mataio 24:14.

Ko pili fua o fakaseai ne Ieova a tino amio ma‵sei katoa.

Ka fakasala a Satani mo ana temoni.

A tino kolā ne faka‵logo ki te Atua ka ‵sao kae ka ola i te lalolagi fou, telā ka seai se mataku i ei. A tino i ei ka fakatau a‵lofa kae talitonu te suā tino ki te suā tino.