PATI 10
Sé moun-an ki ka kouté Bondié, ki rékonpans yo kay ni ?
Bon tibwen moun mò kay riviv anlè latè-a (Ak 24:15).
Imajinen rékonpans la ou kay ni si’w kouté Jéova. Ou kay an pawfet santé. Pèsonn pé ké malad oben pékli (enfim). Pé ké ni pies méchan. Ou kay pé fè tout moun konfians.
Doulè kay fini, tristes épi dlo an zié moun kay fini. Pies moun pé ké viéyi, pies moun pé ké mò.
Fanmi’w épi zanmi’w kay alantou’w. Lavi adan paradi-a sé kay yenki plézi !
Pé ké ni pies kalté rézon pou’w pè. Tout moun kay kontan menm.