Eyepɨañemongetamí jókuae mbae ikavigüere reupitɨta neñeereendu Jehovápe yave. Reyeroviaetetako. Reikota rekuera katu reve; opaete mbaerasɨ jare mbae ikaviä vae oë yande retere vae okañɨta. Jare nde ndepuereta rerovia katu opaete irü reta; echa mbaetɨtama yogüɨreko pochɨ vae reta.

Ngaraayema oime mbae jasɨ, mbɨatɨtɨ ani yaeo. Mbaetɨtama kia indechi ani omano.

 Nde rëtara reta jare vɨa irü oimeta nde ndive. Ɨvɨ pɨaupe oimeta jeta mbae rupi yayerovia yaiko opa ara.

Mbaetɨtama oyeiko kɨɨye reve. Opaete ipɨajorɨ aveita.