PARTE 10
Watenentup Tupana ehay kape pote kat asom watāt hamuat
Ikuꞌuro rakaria iꞌatuehaig̃te hamuat hawyi tukupteꞌen mesūwat yi tote hamo. Iesui Potmūꞌeria (Atos) 24:15
Erenentup Tupana Ehay kapiat pote etāt hamo epoitȳro hap koꞌi. En ereig̃neꞌen hampȳk kahato hamo torānia mītꞌīn iꞌatuehaig̃te hamuat katupono ȳt katꞌi poꞌog̃ hamuat ahū ȳt katꞌi poꞌog̃ hamuat mītꞌīn ȳt wakuariaꞌi maꞌato torānia mītꞌīn toꞌoꞌehay mohey hanuaria wo tukupteꞌen hamo.
Mītꞌīn ti aru ȳt teꞌeruwakꞌi poꞌog̃ katupono ȳt katꞌi poꞌog̃ hamuat haty hap koꞌi. Iꞌewȳte ti aru ȳt uweꞌi poꞌog̃ ipōro ȳt uweꞌi poꞌog̃ hamuat ikuꞌuro.
Nusuken note ereig̃neꞌen torānia ewyriaꞌīn wȳwo hamo miꞌi hap ti aru sese waku weig̃neꞌen hap.
Ȳt katꞌi poꞌog̃ hamuat g̃enꞌẽ hap. Torānia mītꞌīn iꞌatuwepīt kahato hamo tukupteꞌen.
Tupana Morekuat timomã yne hamuat hoꞌopot hap koꞌi. Iesui Aru E Hap (Apocalipse) 21:3, 4
Etimowempāp kuap poꞌog̃
UWEꞌĪN URUTORIA
Kat pote asom waku eremūꞌe Tupana Ehay ete
Mītꞌīn yi oktān ipuenti raꞌyn iwesat hap koꞌi Tupana Ehay puo pyi. En etikuap terān iwesat hap koꞌi wy.
POPERA KOꞌI
Mesup tān epote aikotā̃ aru aiweig̃neꞌen mesūwat yi tote hap
Eremūꞌe pyno etimohey Tupana - Atunug̃ aru e hap ete poꞌog̃ hamo.
