ICIPANDWA 10
A Vizimaci Vino Leza Alicitila Wano Wakamwivwila?
Awavule walizyulupuka nu kwikala munsi. Imilimo 24:15
Yelenganya ivizima vino viliwa ku nkolelo vyo uliyitopwa ndi wivwila Yehova! Utaliwa ni ntazi iili yonsi mu muwili; kutaliwa ukulwala. Kutaliwa awantu wawipe, swinya awantu wonsinye waliwasuwilana.
Kutaliwa uwulumila, amalanda, nanti akulila. Kusi wino alikota nanti a kufwa.
Muliwa ukwikala ni viwuza nu lupwa. Uwumi mu Paradaise wulizipa nkaninkaninye.
Kutaliwa intete. Awantu waliwa ni cimwemwe comolimonye.