KAROLO 10
Bao ba Theetšago Modimo ba Letetšwe ke Ditšhegofatšo Dife?
Bahu ba bantši ba tla tsošetšwa bophelong mo lefaseng. Ditiro 24:15
Akanya ka ditšhegofatšo tša nakong e tlago tšeo o tlago go di thabela ge e ba o theetša Jehofa! O tla ba le boemo bjo bo phethagetšego bja tša maphelo; go ka se sa ba le yo a babjago goba yo a fokolago. Go ka se sa ba le batho ba babe gomme o tla kgona go bota motho yo mongwe le yo mongwe.
Go ka se sa ba le bohloko, manyami goba megokgo. Go ka se sa ba le yo a tšofalago le go hwa.
O tla be o dikologilwe ke bagwera le ba leloko. Bophelo Paradeiseng e tla ba bjo bo thabišago.
Go ka se sa ba le poifo. Batho e tla ba bao ba thabilego e le ka kgonthe.