KHUNDU 10
Ndi Nkhombo Zipi Zinafuna Kutambira Ale Anabvesera Mulungu?
Anthu azinji adafa anadzalamuswa mwa akufa mbakhala na umaso pa dziko yapantsi.—Machitiro 24:15
Nyerezerani nkhombo zinafuna kutambira imwe ntsogolo mungabvesera Yahova! Imwe munadzakhala na ungumi waungwiro; nee munthu m’bodzi anadzadwala peno kubva kupha. Nkhabe kudzakhalapobve anthu akuipa, imwe munadzakwanisa kunyindira anthu onsene.
Nee munthu m’bodzi anadzatsukwala, kubva kupha peno kulira. Nee munthu m’bodzi anadzakalamba peno kufa.
Imwe munadzazungulirwa na axamwali pabodzi na acibale. Umaso mu Paradizu unadzakhala wakutsanzayisa kakamwe.
Mu Paradizu anthu nee anadzagopa. Mwandimomwene anthu anadzakhala akutsanzaya.