Vaega 10
Ni ā nā Fakamanuiaga ka Maua e ki Latou e Fakalogo ki te Atua?
Te tokalahiga o nā tino feoti ka toetutū mai ki te lalolagi. Galuega 24:15
Māfaufau ki nā fakamanuiaga ka fiafia ai koe i te lumanaki, kāfai e fakalogo koe ki a Ieova! Ka maua e koe te ola mālōlō lelei katoatoa, e hē toe i ei he tino e tauale. Ka hē toe i ei ni tino kino, ma e mafai oi fakatuatuagia nā tino uma.
Ka hē toe i ei he tigā, fakanoanoa, pe ko ni loimata. E hē toe i ei he tino e ola matua ma oti.
Ka hikomia koe e au uō ma kāiga. E fiafia te olaga i te Palataiho.
Ka hē toe i ei he mataku. Ka fiafia moni nā tino uma.