10 ДУГААР КЕЗЕК
Бурганны дыңнап турар кижилерни кандыг йөрээлдер манап турарыл?
Чок апарган кижилерниң хөй кезии чер кырынга катап дирлип кээр (Ажыл-чорудулга 24:15).
Чүгле бодап көр даан, бир эвес Иегованы дыңнаар болзуңза, келир үеде кандыг йөрээлдер алыр-дыр сен! Каң-кадык боор сен — чаңгыс-даа кижи аарыглыг азы кемдээшкинниг болбас. Багай кижилер база турбас — кижи бүрүзүнге бүзүреп болур сен.
Аарышкы, ажыг-шүжүг болгаш карак чажы моон соңгаар турбас. Чаңгыс-даа кижи кырывас база өлбес.
Эш-өөрүң биле өг-бүлең сээң чаныңга турар. Дываажаңга чуртталга амыр-чыргалдыг болур.
Коргуш чиде бээр. Кижилер ёзулуг аас-кежиктиг апаар.