ZƐŊ LƐƐI 10
Diai Pâi Díwóli Tɔɔ̂i Ɣâla Wóo Mai Lé Lûa Ɓé Da Pâi Zɔlɔ Ɓói?
Zaa-ɓelai dámaa da pai dimu-siɣei saa yeei dikɛ́ nɔii ma. Dikɛ-mɛni-ŋai 24:15
Ikili-ŋa sia I bîlaŋ mɛni lɛ́lɛɛ ŋai ma ya pai zɔlɔ ɓói à kɛ́ ya iwóli tɔ́ɔ Ziova ma! Ya pai kɛi kéleŋ-keleŋ [ikɔlɔi ponoɔɔ]; núu tá fe pai ŋɔ́nɔ kɔ́lɛi, kpaa máŋ é kɛ́ a gɔ̃́liŋɔɔ. Mɛni nyɔ́mɔɔ kɛ́ ɓela fe pa kɛi Paredai, ya pai láai a núu kélee pai kɛi naai.
Mɛni-soli, kpaa máŋ maloŋ-too-maa da wɔ́lɔ-kɛɛ fe pai kɛ̂i Paredai. Núu da fe ŋɔ́nɔ pai pɔlɔi é saa.
Ya pa kɛi a imaa-tínaŋɔɔ a íwɛ́li-kɛ-maa ɓela da íkáayɔɔ-ŋai. Vúlu-laai pai kɛi Paredai a pà kɛi a ŋá-nɛ̃ɛ.
Yao maa fe pai kɛ̂i naa. Tɔ̃yâ lii-nɛ̃ɛ a pai kɛi nûai kélee yeei.