AKPASUA 11
?Kɛ e srɛ Zoova’n, ɔ tie?
Kɛ e srɛ Ɲanmiɛn’n, ɔ tie. 1 Piɛr 3:12
‘Sɛ be srɛ Zoova ɔ, ɔ ti.’ (Jue Mun 65:3) Ɔ klo kɛ e tu e klun e nin i e koko yalɛ.
Amun srɛ Zoova kunngba cɛ, nán amun srɛ sran uflɛ.
Ninnge nga e kwla fa wla e srɛlɛ nun’n, be sɔnnin. 1 Zan 5:14
Amun srɛ Ɲanmiɛn kɛ maan i klun sa’n kpɛn su ɲanmiɛn su lɔ nin asiɛ’n su wa.
Amun srɛ Ɲanmiɛn Zezi dunman nun. I sɔ’n klé kɛ amun ɲin yi like nga Zezi yoli mannin amun’n.
Amun srɛ Ɲanmiɛn kɛ ɔ uka amun naan amun fa atin kpa’n su. Amun kwla srɛ Zoova kɛ ɔ man amun aliɛ, junman, lawlɛ naan ɔ yo naan amun yo juejue titi.
Ninnge wie mɔ be kwla yo ɔ fɛ ekun'n
NINNGE CINNJIN NGA BIBLU’N KLE BE’N
?Srɛlɛ kwlaa yɛ Ɲanmiɛn tie-ɔ?
?Sɛ sran kun bu i ngunmin wun akunndan’n, Ɲanmiɛn tíe i srɛlɛ’n? ?Sɛ yasua kun yo i yi i kpokokpoko, naan i sin ɔ srɛ Ɲanmiɛn kɛ ɔ yrɛ i su’n, Ɲanmiɛn tɛ́ i su?
