RUHA 11
Jehova kutegherera ndapero detu ndi?
Karunga kuyuvha ndapero detu. 1 Peturusa 3:12
Jehova “kuyuvha ndapero.” (Episarome 65:2) Ghuye ana shana ashi tu ghambe naye vyakudimushima detu.
Twa hepa kuraperera tupu kwaJehova.
1 Johanesa 5:14
Kuvhura tu twenye kuhamena vininke vyavingi mundapero detu.Raperera ashi kupanga kwaKarunga ku tike mo palivhu, yira muliwiru.
Raperera kupitira mulidina lyaJesus mukuneyeda ashi wa dimburura ovyo a ku ruwanena ashi mulyo.
Shuginda Jehova a ku vatere ghu ruwane vyaviwa. Kuvhura nka ghu raperere kuhamena ndya, viruwana, mararo, vidwata ntani naukanguki woye.