PASET 11
Dengdenggennatayo Kadi ni Jehova?
Dengdenggen ti Dios ti kararagtayo. 1 Pedro 3:12
Ni Jehova ti “Managdengngeg iti kararag.” (Salmo 65:2) Kayatna a naimpusuan a makisaritatayo kenkuana.
Agkararagka ken Jehova, saan nga iti sabali.
Adu ti mabalintayo nga ikararag. 1 Juan 5:14
Ikararagmo a maaramid koma ti pagayatan ti Dios ditoy daga, a kas idiay langit.
Ipadalanmo ti kararagmo iti nagan ni Jesus kas panangipakita nga ap-apresiarem ti inaramidna para kenka.
Kiddawem ken Jehova a tulongannaka nga agaramid iti naimbag. Mabalin met nga ikararagmo ti maipapan iti makan, trabaho, pagtaengan, pagbado, ken salun-at.
Baka Kayatmo Met ti
NAGPAPATEG A PANNURSURO TI BIBLIA
Denggen Kadi ti Dios ti Amin a Kararag?
Kasanon no ti kararag ti tao ket para laeng iti bukodna a pagnam-ayan? Kasanon no maltratuen ti lalaki ti asawana sa kabigatanna ikararagna a bendisionan ti Dios isuna?
