NAVSA PISEIKIANA 11
?Yehovah e Do Dogo Natapasavasaana Anigida Maga Kite?
Sup̃e e do takidorogo natapasavasaana anigida. 1 Petero 3:12
Yehovah e do ‘dogo natapasavasaana’ ki naatam̃oli maga. (Salamo 65:2) E masau naga navasaana maga waina tuga noa kinia asa, euga m̃elu pae nap̃op̃o gida.
Yehovah e da masau naga tuga lotu ki Sup̃e p̃ota, ma tuga lotu kinia m̃oli.
1 Yoane 5:14
Waina tuga tapasavasa, tu mari atae noa naleo laapa.Waina p̃a tapasavasa, p̃a datago paki Sup̃e naga ega mari namasauana aneana maga waina e doko nakoroatelagi, euga umai paki maramana.
Waina tuga tapasavasa, e p̃ia naga tuga noa nagisani Yesu, nalakena nae e dua gida namauriana. Waina ku mari dapala nogoe e piseikinia naga ku dodomadaga ni Yesu.
Ku mari atae datago paki Sup̃e naga ega silaeko. Ega silaeko taleva ni navinaga, nawosiana, nasum̃a, sugoro, go namasakiana.