FOA 11
Asoo Gyihova Tie Yɛ Asɔneyɛlɛ?
Nyamenle tie yɛ asɔneyɛlɛ. 1 Pita 3:12
Gyihova le “asɔneyɛlɛ Tievolɛ.” (Edwɛne 65:2) Ɔkulo kɛ yɛfi yɛ ahonle nu yɛtendɛ yɛkile ye.
Sɛlɛ Gyihova angomekye, mmasɛlɛ awie gyɛne biala.
Yɛkola yɛyɛ ninyɛne dɔɔnwo anwo asɔne. 1 Dwɔn 5:14
Yɛ asɔne kɛ bɛyɛ Nyamenle ɛhulolɛdeɛ wɔ anwuma nee azɛlɛ ye azo.
Yɛ asɔne kɛ Gyihova ɛboa wɔ ɔmaa ɛyɛ mɔɔ le kpalɛ la. Eza ɛbahola wɔayɛ aleɛ, gyima, dabelɛ, adɛladeɛ nee kpɔkɛdelɛ nwo asɔne.
Dua Gyisɛse duma nu yɛ asɔne fa kile kɛ ɛ nye sɔ mɔɔ yeyɛ yemaa wɔ la.
