REʼNIKɄYAʼBA 14
Azi nisi Jeuwá sírigʉn ná kinki nʉndiachwizʉnhasʉ́nno
Niwipaw sírigʉn zʉ’n nika awkwa. (1 Pedro 5:6-9)
Bibriaseʼ aʼniku neyka nikʉkwa aya nʉngwari chowchu mikʉnaku nari, chusa ú.
Jeuwá awiri Aseʼ Sakuku Reʼgowna zʉ’n aʼnoʼkʉkwa. Ikʉ kaʼseʼ du sakusiwa i winzoyari twiré key nʉnkwa.
Niwipaw aʼno’kwa ukumʉye nʉkin du arunhana niwikawa ni. (Luka 6:47, 48, GD)
Jeuwasí gaʼyeyka ɉinasin ʉnniʼkuma ú. Ikʉnhasin Niwipaw du nʉɉwa’sa awʉngwasi.
Niwipawsí riwí zwein nú awiri imʉnke yáy uzoya ú.
Taʼ ni kinki meʼzʉn unigeʼri Niwipaw aʼkwa mikaʼmʉkana awʉnʉngwa ni keyri, ɉwa ʉnkʉsa ú (Mateo 28:19).
Niwipaw aʼnoʼka ú awiri Bibria aʼgwa ú, du naʼnoʼku nʉndi Jeuwasí Gaʼyeyka ɉina gwamʉ ʉnkaʼsisa ú, mingunamʉsa awʉngwasi. Imʉnke yaiki nʉzoya unigeʼri, aʼkwa kukwey mikʉnanʉngwa ni (Salmo 37:29).
Ema miguzʉngwi awiza ni
ɄNHANIʼKUMɄYɄN
Ʉnhanikumʉyékʉri azi aniga no
Niwi ʉnhani’kumʉyekʉ aʼwaka awkwa eymí aniganá me’zʉn awʉngwasi.
NIWISÍ ɈWAʼSA Ú
Mikaʼnaya ukumʉngwasi ʉnkʉsisa ú
Bibria sí kwa Jeuwá sí gaʼyeyka ɉina sí ingumʉ́n riwía awkwa.
NIWISÍ ɈWAʼSA Ú
Jeuwá sí gaʼyeyka ɉina ʉnhaniʼkumʉyʉn wʉʼ zweykwa
Niwi ʉnhaniʼkumʉyekʉ ɉwaʼsa ú ey unigeʼri eymi aniga ni meʼzʉn awʉngwa ni. Bema neki chonʉkwéy neyka ni awiri inʉ neki sikumuʼ aneyka ni
