Mbali 14
Ana Mpaka Atende Chichi Kuti Aŵe Ŵakulupichika kwa Yehofa?
Apitilisyepe kuŵa ku mbali ja Mlungu. 1 Petulo 5:6-9
Aŵambaleje misyungu jangakamulana ni Baibulo. Kuti atende yeleyi, akusosekwa kulimba mtima.
Akajinjililaga nawo ya ndale ya m’chilambochi, ligongo ngayikusalimbikasya ŵandu kuŵa kumbali ja Yehofa ni Uchimwene wakwe.
Asaguleje mwalunda yakutenda. Apikanileje Mlungu. Mateyu 7:24, 25
Asyoŵekaneje ni ŵa Mboni sya Yehofa. Jemanjaji chachakamuchisya kuŵa paunasi ni Mlungu.
Apitilisye kulijiganya ya Mlungu, soni alinjelinjeje kupikanila malamusi gakwe.
Chikulupi chawo pachichikula, chachisosekwa kulipeleka kwa Yehofa ni kubatisidwa.—Mateyu 28:19.
Apikanileje Mlungu. Aŵalanjeje Baibulo, soni aŵende ŵa Mboni sya Yehofa kuti ŵakamuchisyeje kujipikanichisya. Akamulichisyeje masengo yakulijiganyayo. Naga akutenda yeleyi chachikola umi wangamala.—Salimo 37:29.
You May Also Like
MISONGANO
Ana ku Nyumba ja Uchimwene Kukusatendekwa Yatuli?
Akagambe kwinjila m’kati ni kulola yayikusatendekwa.
