Intarori
Inintee Tasorentsi ikempetari apa (1 Petero 5:6, 7).
Kameetsari shirampari ikenkeshireakotiri, inintasanotiri itomipee, irootake yobametantiri kameetsa irisaikantyari. Aisati iritake Tasorentsi Apa, tempa yobetsikajeitakee. Ikenkeshireakotiri aisati inintasanotiri maaroni atiripee, irootake yobametantiri kameetsa intimantyari.
Yobametimpi Tasorentsi kimoshire pisaikantyari meeka, irosati koajika.
Ariorika pinkemisanteri Tasorentsi intasonkakobentempi, iramitakotempi aisati iroinijayempi abirori.
Aisati ikantasanotimpi, ari pimatakero pinkantyani pañee kipatsiki.
Ikanti Tasorentsi: “Pinkemisantasanotero noñane, pisaikantyari onkantyani” (Proverbios 4:20; Salmos 37:29).
Onimotempirika oka
OBAMETAANTSI KAMEETSAYETATSIRI BIBIRIAKI
¿Jaoka ipajitari Tasorentsi?
Irinti Tasorentsi: Abinkatsarite, Shintsitasanotatsiri aisati Betsikirori maaroni. Iro kantaincha shiakaantsikika oinijayempine anta Bibiriaki okonijatake ibajirosanori Tasorentsi okaratake 7.000.
