ˈSëëdhɛ züdɔdhɛ
˗Zlan ˗yö ꞊dhɛ ˈnën dë ˈö˗ ˗bha ˈnën ˗nu ˗dhɔ ˗ya ˗kë ˗a ˈdhö. 1 Piɛdhö 5:6, 7.
˗Zlan ˈnën ˈö kwa ˗da. ˗A ˗zo ˗yö kwa ˈˈpiʋ̈. ˗Zlan ˗tosɛta kë ˗kɔ ˗së ˗dede ˗zɔn ˈˈkpɔnŋtaamɛn ˗nu ˈˈpɛpɛ ˗dhɛ ꞊dhɛ ˗kɔ do ˈö ˈwɔndɔmɛn ˗tiaandhö, ö ˗bha ˈnën ˗nu ˗to ˗a ˗bha ˗a ˈdhö.
˗Zlan ˗yö gagade ˗nu ˈö ˈwo ˗dho kwa zuʋ̈gblüdhi, ˈö ˈwo ˗dho kwa zuʋ̈ˈˈ kë ˗saa ˗dhɛkpaɔ dhiʋ̈ˈˈ ˗wɔn ˈgü ˗an ˗zɔn kwa ˗dhɛ.
Kö ˈka ka ˈˈtʋ ˈto ˗Zlan ˗wo ˗bha ˗yö ˗dho ka dɔɔˈˈ, ˈö ö ˈˈɲan to ka ˈˈdhiʋ̈. ˈWɔn ˈˈgbɩɩ˗ ˗ya nu ˈka ˗ta, ˗yö ˗dho ꞊faan nu ka ˗dhɛ.
ˈˈKɛɛ ˈwɔn ˗së ˈkpii˗ ˈö ˗Zlan dho ˗a kë ka ˗dhɛ ˈzü ˈyö ˈtɔ˗ ˗tosɛta ˈö ˈyaa ɲën ˗a ꞊slɔɔ ˗sü.