Maayong Panig-ingnan—Jacob

Si Jacob ug ang iyang igsoong si Esau, dugayng nagbungolay. Gani, si Esau nagdumot kang Jacob. Bisag walay nahimong daotan si Jacob, siyay miunag duol aron sila magkauli. Siya nagpaubos. Ang iyang tuyo dili aron sa pagpamatuod nga husto siya kondili aron sila magkauliay. Wala ikompromiso ni Jacob ang iyang mga prinsipyo, ug wala usab siya mamugos nga mangayog pasaylo si Esau una pa siya makig-uli kaniya.—Genesis 25:27-34; 27:30-41; 32:3-22; 33:1-9.

Unsay imong ginahimo sa pagsulbad sa panag-away nimo sa imong mga igsoon o ginikanan? Usahay maghunahuna ka nga ikaw ang husto ug sila ang sayop. Maghulat ka ba nga silay unang moduol nimo? O makasundog ka ba kang Jacob? Kon walay prinsipyo sa Bibliya nga malapas, andam ka bang magpaubos aron kamo mahusay? (1 Pedro 3:8, 9) Si Jacob wala magpadala sa iyang garbo. Siya nagpaubos ug sila nagkauliay sa iyang igsoon. Andam ka ba usab sa paghimo niana ngadto sa mga membro sa imong pamilya?