Maayong Panig-ingnan—Moises

Si Moises daghag bentaha sa kinabuhi. Gimatuto siya sa harianong panimalay ni Paraon ug giedukar sa tanang kaalam sa Ehipto. (Buhat 7:22) Giunsa niya paggamit ang iyang nakat-onan? Pwede unta siyang mahimong ilado, dato, ug gamhanan. Apan wala siya magpaimpluwensiya sa uban ug wala siya magpadaldal sa hakog nga ambisyon. Hinunoa, iyang gipili ang usa ka kinabuhi nga lagmit nakapakurat sa uban. Siya mipili nga “daogdaogon uban sa katawhan sa Diyos.” (Hebreohanon 11:25) Nasayop ba si Moises sa iyang desisyon? Wala. Kay gipili man niya ang pag-alagad sa Diyos ug ang pagtabang sa mga tawo, ang iyang kinabuhi nagmalipayon.

Kon nakakuha kag igong edukasyon, unsay imong himoon niana? Pwedeng mangagpas ka nga mahimong adunahan o gamhanan. O, sama kang Moises, mahimo nimong gamiton ang imong kinabuhi sa mas mapuslanong paagi. Magamit nimo ang imong kusog ug hunahuna sa pag-alagad sa Diyos ug sa isigkatawo. (Mateo 22:35-40) Kini ang kinamaayohang paagi sa pagkinabuhi!