Ehémplo porã: Moisés

Moisés ikatu kuri ohupyty heta mbaʼe. Okakuaa rupi faraón rógape oñehekomboʼe umi Egiptoygua arandúpe (Hechos 7:22). Upévare haʼe ikatu omanda guasu, ifamóso ha ipláta heta. Ha katuete oĩ omboligáva chupe oiko hag̃ua koʼã mbaʼe rapykuéri, péro haʼe nopenái hesekuéra ha ohechauka nopensaiha ijehénte. Oiméne umi hénte ni ndogueroviaséi la ohecháva upe rire: Moisés ‘oiporavo ohasa asy Ñandejára retãyguakuéra ndive’ (Hebreos 11:25, ÑÑB). Odesidi vaípa Moisés? Ni mbaʼevéicharõ. Haʼe ohecha ha ohasa heta mbaʼe ndaijojaháiva oipytyvõgui hapichápe ha oservi rupi Ñandejárape, ha upevakuére heta ovyʼa.

Ha oimérõ nde ndestúdio porã, mbaʼépa rejapóta? Ikatu reiko pláta rapykuéri térã reñehaʼã nefamóso. Péro ikatu avei remboyke koʼã mbaʼe Moisés ojapo haguéicha. Reaprovecha umi mbaʼe reaprendéva ha rejapokuaáva remombaʼeguasu hag̃ua Ñandejárape ha reipytyvõ nde rapichápe (Mateo 22:35-40). Rejapóramo péicha, katuete revyʼáta ha nerembyasymoʼãi arakaʼeve.