Ehémplo porã: Rut

Rut imbaʼeporã ha oporohayhuañete. Iména ningo ramoiténte anga omano. Rut ikatu ojevy jey ivállepe oiko porã ha omenda jey hag̃ua. Péro haʼe nopensái ijehénte. Oheka rangue imenarã, omoirũ isuégra Noemípe ha oñehaʼã oservi Jehovápe (Rut 1:8-17).

Oiméramo remendase amo gotyove, Rut rembiasakue ikatu nepytyvõ. Rejapura rangue remenda hag̃ua, rehecha raẽ vaʼerã remoirũ porãtapa ne ména térã ne rembirekópe. Pór ehémplo, rehechaukápa nembaʼeporã ha rejepyʼapyha nde rapicháre? Neñeʼẽrendúpa Ñandejárape ijetuʼúramo jepe ndéve heta vése? Rut ningo naimendahyirivaʼekue. Tiémpo rire Ñandejára ohovasa chupe ha ojuhu imenarã, peteĩ kuimbaʼe iñakãguapýva, imbaʼeporãva ha ohayhúva Ñandejárape. Rehaʼangáramo Rútpe, ikatu avei rehupyty koʼã mbaʼe.