Bandakisa ya kolanda​—Ruta

Ruta, mwasi oyo mobali akufá azali ndakisa malamu na likambo etali kotikala sembo. Aponaki kofanda pembeni ya bokilo na ye Naomi oyo akómaki mobange, na esika azongela bomoi ya malamu na mboka na ye. Atako kosala bongo emonisaki ete ekozala mpasi mpo azwa mobali, Ruta akanisaki kaka te bolamu na ye moko. Bolingo na ye mpo na Naomi mpe mposa oyo azalaki na yango ya kozala elongo na basaleli ya Yehova ezalaki na ntina mingi mpo na ye koleka kokokisa mposa na ye ya kobala.​—Ruta 1:8-17.

Ozali kokanisa libala? Mekolá ndakisa ya Ruta. Kosuka kaka te na bamposa na yo, mpe mituná bizaleli nini ya malamu okoki komonisela moto oyo okobala. Na ndakisa, ozalaka sembo mpe ondimaka komipimela makambo mosusu? Otosaka makambo oyo Nzambe alobaka, ata soki nzoto na yo ya kozanga kokoka ezali kotinda yo osala ndenge mosusu? Ruta abungisaki elikya te mpo na koluka mobali. Kasi, na nsima, azwaki mobali oyo akɔmɛli mpe azali na bizaleli ndenge moko na ye; oyo eleki nyonso, bolingo mpo na Nzambe. Ekoki mpe kosalema bongo mpo na yo.