Mfano wa Kuigwa​—Ruthu

Ruthu ni mfano bora wa mtu mwenye ushikamanifu. Amechagua kwenda na mama mkwe wake, Naomi, badala ya kurudi na kuishi maisha yenye starehe katika mji wa nyumbani kwao. Hata kama uamuzi huo unapunguza matumaini yake ya kupata mwenzi, Ruthu anafikiria mambo ya maana zaidi. Upendo wake kwa Naomi na tamaa yake ya kuwa pamoja na watu wa Yehova unamaanisha mengi zaidi kwake kuliko kuamua haraka-haraka kutosheleza tamaa yake ya kufunga ndoa.—Ruthu 1:8-17.

Je, unafikiria kufunga ndoa? Basi fuata mfano wa Ruthu. Usitegemee hisia zako, fikiria sifa nzuri unazoweza kusitawisha ambazo zitampendeza mwenzi wako wa ndoa wakati ujao. Kwa mfano, wewe ni mshikamanifu na mwenye kujidhabihu? Unaishi kulingana na kanuni za Mungu, hata wakati ambapo mwili wako usio mkamilifu unataka ufanye tofauti? Ruthu hakujitahidi sana kupata mwenzi. Hata hivyo, baada ya muda, alipata mume aliyekuwa mwanamume mkomavu mwenye sifa kama zake, na zaidi ya yote, aliyempenda Mungu. Inaweza kuwa hivyo kwako pia.