Uo Wingapashanya—Timote

Timote ali mupepi no kufuma pa ng’anda, talebutuka ulupwa lwakwe lelo alefwaya ukulabombela pamo no mutumwa Paulo muli bumishonari! Nalimo ilyo ali ne myaka 19 Timote ninshi kale kale ali mulumendo uwacetekelwa uwaleshimikwa “icisuma ku ba bwananyina mu Lustra na mu Ikonia.” (Imilimo 16:2) Paulo alicetekele sana ukutila Timote kuti abomba imilimo iikalamba mu mulimo wa kwa Lesa. Kabili alibombele! Mu myaka yakonkelepo, Timote alyendele mu ncende ishingi, no kupanga ifilonganino no kukoselesha ababwananyina. Imibele isuma iya kwa Timote yalengele Paulo ukumutemwa sana ica kuti ninshi palipita ne myaka 11 alembeele abena Filipi ukuti: “Nshikwete umuntu umbi uwakwata umutima uwalingana no wakwe, uwingamusakamana icine cine.”—Abena Filipi 2:20.

Bushe na iwe ulaipeelesha ukubomfiwa mu mulimo wa kwa Lesa? Nga ulaipeelesha, ukapokelela amapaalo ayengi! Yehova atemwa sana abalumendo na bakashana ‘abaipeela abene mu kuitemenwa.’ (Amalumbo 110:3) Kabili, uleibukisha ukuti Yehova Lesa ‘taba uushalungama, takalabe umulimo obe.’—AbaHebere 6:10.