Egzanp: Timote

Timote te sou wout pou l kite lakay li. Se pa kouri li t ap kouri pou fanmi l, men li t ap vin yon misyonè ki t ap ansanm ak apot Pòl. Li posib pou Timote te nan fen adolesans li lè sa a, men li te deja yon jèn gason ki gen matirite, “frè Lis ak frè Ikónyòm yo te pale an byen de” li (Travay 16:2). Pòl te gen konviksyon Timote kapab fè anpil bagay nan sèvis Bondye a. E se sa Timote te fè! Nan ane ki vin apre yo, Timote te fè anpil vwayaj pou l te tabli kongregasyon, e pou l te fòtifye frè ak sè yo. Bèl kalite Timote te genyen yo te fè apot Pòl apresye l anpil. Men sa apot Pòl te di kretyen Filip yo anviwon 11 an apre: “Mwen pa gen pèsonn ki gen menm atitid avè l, pa gen pèsonn tankou l ki gen sousi pou nou toutbon.” — Filipyen 2:20.

Èske w met tèt ou disponib pou w fè travay Bondye? Si se wi, gen gwo benediksyon k ap tann ou! Jewova vrèman renmen jèn ki “ofri tèt yo san fòse”. (Sòm 110:3.) Mete sou sa, ou ka gen garanti Jewova “pa enjis pou l ta bliye travay [ou] fè”. — Ebre 6:10.