Tápa kupe

Mitãrusukuéra pohayhuetéva:

Jehová, pende Ru yvagapegua ningo penderayhueterei ha oipota pevyʼa. Péro ikatu oĩ heʼíva: “Provléma apytépe piko máva ovyʼáta”. Ha añetehápe koʼẽ koʼẽre ñambohovái heta mbaʼe ijetuʼúva ha ñanembohasa asýva. Upévare ñamombaʼeterei Ñandejára ñanepytyvõ haguére. Mbaʼéichapa ojapo upéva? La Biblia rupive. Ikatu añete ohasáma heta tiémpo ojehai hague, péro umi konsého oĩva ipype koʼag̃aite peve ideprovechoiterei (Salmo 119:98, 99; 2 Timoteo 3:16, 17).

Ore avei pohayhueterei ha upéicha rupi rombosakoʼi ko lívro penembaʼerã. Roipotaiténgo peleepaite ha peneprovlemaʼimi jave peheka pype umi konsého penepytyvõtava ikatu hag̃uáicha pedesidi porã ha pevyʼa. Ko lívro avei penemokyreʼỹta peñemongetave hag̃ua pende tuvakuérandi. Mbaʼére piko ndapeiporavói umi kapítulo pendegustavéva ha pelee hendivekuéra? Upéicha pejapóramo peaprendéta heta mbaʼe chuguikuéra ha katuete pesẽ porãta.

Hiʼã oréve opa mbaʼe osẽ porã peẽme,

Testigos de Jehová Cuerpo Gobernante