Mɛni Ji Mawu Suɔmi Nya Ní?
Mawu suɔ kaa waa hi si ngɛ tue mi jɔmi kɛ bua jɔmi mi ngɛ zugba a nɔ kɛ ya neneene!
Se eko ɔ, o ma bi ke, ‘Kɛ enɛ ɔ ma plɛ kɛ ba mi kɛɛ?’ Baiblo ɔ de ke, Mawu Matsɛ Yemi ɔ ma ha nɛ e maa ba mi jã, nɛ Mawu suɔmi nya ní ji kaa nihi tsuo nɛ a kase Matsɛ Yemi nɛ ɔ kɛ Mawu yi mi nɛ e to kɛ ha wɔ ɔ he ní.
Mawu suɔ kaa e hi ha wɔ.
Kaa bɔ nɛ tsɛ kpakpa suɔ kaa e hi kɛ ha e bimɛ ɔ, wa hiɔwe Tsɛ ɔ hu suɔ kaa wa ná bua jɔmi kɛ ya neneene. (Yesaya 48:17, 18) E wo si kaa “nɔ nɛ peeɔ Mawu suɔmi nya ní ɔ, lɛɛ e ngɛ kɛ yaa neneene.”
Mawu suɔ kaa waa nyɛɛ ngɛ e blɔ ɔmɛ a nɔ.
Baiblo ɔ de ke wa Bɔlɔ ɔ suɔ nɛ “e maa tsɔɔ wɔ nɔ́ nɛ e suɔ kaa waa pee,” konɛ waa “pee bɔ nɛ e maa tsɔɔ wɔ ɔ pɛpɛɛpɛ.” (Yesaya 2:2, 3) E ‘hla ni komɛ ngɔ ha e he’ nɛ e to a he blɔ nya konɛ a ha nɛ nihi nɛ a ngɛ zugba a nɔ ɔ nɛ a le e suɔmi nya ní.
Mawu suɔ nɛ waa pee kake kɛ ja lɛ.
Yehowa jami nɛ he tsɔ ɔ peeɔ nihi kake ngɛ suɔmi nitsɛnitsɛ mi mohu pe nɛ e ma gba a mi. (Yohane 13:35) Mwɔnɛ ɔ, mɛnɔmɛ nɛ a ngɛ nyumuhi kɛ yihi nɛ a ngɛ he tsuaa he ɔ ní tsɔɔe konɛ a pee kake kɛ sɔmɔ Mawu? Wa suɔ nɛ o gu womiyo nɛ ɔ nɔ kɛ hla nihi nɛ a ngɛ jã pee ɔ.
Eko ɔ, O Bua Maa Jɔ Enɛ ɔ Hu He
WA HE SANEHI
Kɛ Wa Peeɔ Baiblo Mi Ní Kasemi Ha Kɛɛ?
Ngɛ je ɔ mi tsuo ɔ, a le Yehowa Odasefohi kaa a kɛ nihi kaseɔ Baiblo ɔ nɛ a he we sika. Moo hyɛ bɔ nɛ a peeɔ lɛ ha.
WA HE SANEHI
Mɛni He Je Nɛ E Sa Kaa Waa Kase Baiblo ɔ?
Baiblo ɔ ngɛ nihi ayɔhi abɔ nɛ a ngɛ je ɔ mi tsuo ɔ si himi mi sane bimihi nɛ a he hia a heto hae. Anɛ mo hu o suɔ kaa a ha mo sane bimi nɛ ɔmɛ a heto lo?
