Кудай нени кӱӱнзейт?
Кудай бисти јерде болор райда ӱргӱлјиге јӱрзин деп кӱӱнзейт!
«Бу канайып болор аргалу?» — деп, слер сураарар. Мыны Кудай Бойыныҥ Каандыгыныҥ болужыла эдер деп, Агару Бичикте айдылат. Анайып Кудай бу Каандык керегинде ле ол кандый алкыштар экелерин бастыра улус билип алзын деп кӱӱнзейт (Сарын 37:11, 29; Исаия 9:7).
Кудай бисти ырысту болзын деп кӱӱнзейт.
Бойыныҥ балдарына эҥ јакшыны кӱӱнзеп турган јалакай ададый, теҥеридеги Адабыс бисти ырысту болзын деп ле бу ырысла ӱргӱлјиге јакшызынып јӱрзин деп кӱӱнзеп јат (Исаия 48:17, 18). «Кудайдыҥ табын бӱдӱрип турганы — ӱргӱлјиге јӱрер» деп, Ол сӧзин берет (Иоанныҥ 1-кы самаразы 2:17).
Кудай бисти Оныҥ јолыла јӱрзин деп кӱӱнзейт.
Јайаачы «бистерди Бойыныҥ јолдорына ӱредер, бис Оныҥ јолдорыла јӱрерис» деп, Агару Бичикте айдылган (Исаия 2:2, 3). Бастыра телекейде улус Оныҥ табын билип алзын деп, Ол «Бойыныҥ адына учурлалган улусты» тӧзӧгӧн (Апостолдордыҥ ижи 15:14).
Кудай бисти Ого бирлик болуп иштезин деп кӱӱнзейт.
Бу бӧлӱнген телекейде Иегованыҥ ишчилери чындык сӱӱштиҥ курчузыла бириктирилгени јаан кайкал болот (Иоанн 13:35). Кудайга бирлик болуп иштеерине бӱгӱн кем ӱредет? Бу брошюра слерге карууны билип аларга болужар.
Анайда ок слерге јараар болор
БИСТЕР КЕРЕГИНДЕ
Агару Бичикти ӱренери канайып ӧдӧт?
Иегованыҥ Керечилери бастыра јердиҥ ӱстинде Агару Бичикти ӱренерин акча тӧлӧбӧзинеҥ ӧткӱрип турганыла јарлу. Ӱредӱлер канайып ӧдӱп турганын кӧрӱгер.
БИСТЕР КЕРЕГИНДЕ
Агару Бичикти нениҥ учун ӱренер керек?
Агару Бичик бастыра јердиҥ ӱстинде миллион тоолу улуска јӱрӱмниҥ эҥ ле учурлу сурактарыныҥ карууларын таап аларга болужат. Слерге ол база болушсын деп кӱӱнзейдеер бе?
