Kii i yé sômbôl i Djob?
Djob a nsômbôl le di kôs niñ boga i Paradis hana isi ikété nsañ ni maséé.
Ndi u nla badba le: ‘lelaa i nya jam ini i ga bôña?’ Bibel i nti ndimbhe le Ane Djob yon i ga boñ jam li. Hala a yé sômbôl i Djob le bôt bobasôna ba yi kii i yé Ane yé ni bitééne gwé inyu yés.—Tjémbi 37:11, 29; Yésaya 9:6.
Djob a nyéñ loñge yés.
Kiki loñge tata i nyéñ ndik loñge inyu bon bé, yak Tata wés nu a yé i ngii a gwé ngôñ le di ba maséé boga ni boga. (Yésaya 48:17, 18) A bi bôn le “nwet a mboñ sômbôl yé nyen a ga niñ boga ni boga.”—1 Yôhanes 2:17.
Djob a gwé ngôñ le di kil manjel mé.
Bibel i nkal le Nhek wés a gwé ngôñ i “niiga bés kingéda maéba mé” inyu boñ le di “hiumul manjel mé.” (Yésaya 2:2, 3) Yéhôva Djob a bi yuuga biloñ inyu pémés ikété yap “bôt inyu jôl jé,” le ba boñ le sômbôl yé i yiba ni nkoñ isi wonsôna.—Minson mi baôma 15:14.
Djob a nsômbôl le di bégés nye ikété maada.
Bibégés bi Yéhôva bi ñat bôt ikété bañga gwéha. Bi mbagal bé bôt. (Yôhanes 13:35) Bonjee i len ini ba niiga bôt bobasôna, bôlôm kiki bôda, ni nkoñ isi wonsôna i gwélél Yéhôva ikété maada? Wan ndimbhe i mbadga ini ni njel man kaat nunu.