Ala b’a fɛ an ka ɲɛnamaya banbali kɛ hɛrɛ ani nisɔndiya la alijinɛ kɔnɔ dugukolo kan!

Laala o bɛ se ka kɛ kabako ye i bolo. Nka o n’a t’a bɛɛ, Bibulu b’a fɔ k’o bɛna kɛ Ala ka masaya sababu la, wa Ala b’a fɛ hadamaden bɛɛ ka caman dɔn a sagonataw kan ka ɲɛsin an ma ani a ka masaya kan.—Zaburu 37:11, 29; Esayi 9:6.

Ala b’an ka hɛrɛ de fɛ.

Fɛn min kaɲi a denw ma, fa ɲuman bɛ o de laɲini a denw ye. O cogo kelen na, an sankolo la Fa b’a fɛ an ka kɛ nisɔndiya la fo abada. (Esayi 48:17, 18) A ye layidu ta ko min b’a “sago kɛ, o bɛ to badaa-badaa.”—1 Yuhana 2:17.

Ala b’a fɛ an ka taama a ka siraw kan.

Bibulu b’a fɔ ko an dabaga b’a fɛ ka “an kalan a ka siraw la” walasa an ka se ka “a ka siraw taama”. (Esayi 2:2, 3) A ye ‘mɔgɔ dɔw ɲɛnatɔmɔ ka u kɛ a yɛrɛ taw ye’ walisa a sago ka dɔn dugukolo bɛɛ kan.—Kɛwalew 15:14.

Ala b’a fɛ an k’a bato kelenya kɔnɔ.

Bato lakika min bɛ kɛ Jehova ye, o tɛ farafarali don mɔgɔw ni ɲɔgɔn cɛ, nka a b’u fara ɲɔgɔn kan kanuya sɛbɛ kɔnɔ. (Yuhana 13:35) Bi bi in na, jɔni de bɛ cɛw ani musow kalan u ka baara kɛ Ala ye kelenya kɔnɔ diɲɛ yɔrɔ bɛɛ la? Aw ye o jaabiw lajɛ nin gafenin kɔnɔ.