Loba a mapula ná di kuse njoaso’a munam na musango o paradisi o wase o bebe be̱se̱!

Jita ba mo̱nge̱le̱ ná nika e titi ná e bolane̱. Nde Bibe̱l e malee̱le̱ ná, Janea la Loba di me̱nde̱ bola nika. Ońola nika nde jemea la Loba leno̱ ná bato be̱se̱ bá bie Janea lao na mwano mao ońol’asu.​—Myenge 37:11, 29; Yesaya 9:6.

Loba a mapula bwam basu.

Sango a bana ńa dibie̱ a mawasa bwam bá bana bao. Buka nika, Sango asu ńe o mo̱ń a mabwa ńo̱ngi ná di bwane̱ longe̱ muńe̱nge̱ o bwindea. (Yesaya 48:17, 18) A kakane̱ ná “nu nu mabole̱ jemea la Loba a maja nate̱na o bwindea.”​—1 Yohane 2:17.

Loba a mapula ná di bole nje e mabwese̱ mo̱ muńe̱nge̱.

Loba a mapula ná jemea lao di biane̱ o wase ńe̱se̱. Ońola nika nde Muweked’asu a mokwe̱le̱no̱ biso̱ mangea mao ná di bole nje e mabwese̱ mo̱ muńe̱nge̱, ka tumba diwo̱ a bokise̱no̱ o bambe̱ dina lao.—Yesaya 2:2, 3; ​—Bebolo 15:14.

Loba a mapula ná jowe̱ mo̱ o mulatako.

Jowe̱ te̱ Loba ka ne̱ni a mapulano̱, o mulopo ná nika ńabe biso̱, nika e mabola biso̱ ná di be̱ mulatako, di be̱ne̱ne̱ pe̱ mō̱ na nune̱ ndolo. (Yohane 13:35) Nja o nin we̱nge̱ nu mokwe̱le̱ bato ne̱ni bolea Loba o mulatako e? Nun muna kalati a mabola jalabe̱.