Nyankopɔn pɛ dɛ yɛtsena ase wɔ asomdwee nye enyigye mu daa wɔ paradise wɔ asaase do!

Ibia ibebisa dɛ, ‘Iyi bɛyɛ dɛn ayɛ yie?’ Bible no kã dɛ Nyankopɔn n’Ahendzi no na ɔbɛyɛ iyi, na ɔyɛ Nyankopɔn ne pɛ dɛ nyimpa nyina nya dɛm Ahendzi no nye Nyankopɔn ne tsirmpɔw a ɔwɔ ma adasamba no ho nyimdzee.​—Ndwom 37:11, 29; Isaiah 9:7.

Nyankopɔn pɛ dɛ yenya mfaso wɔ hɛn asetsena mu.

Dɛ mbrɛ egya pa biara pɛ ne mba hɔn eyiedzi no, dɛmara so na hɛn sor Egya no so pɛ dɛ yenya enyigye daa. (Isaiah 48:17, 18) Ɔahyɛ bɔ dɛ “nyia ɔyɛ Nyankopɔn apɛdze no tsena hɔ daa.”​—1 John 2:17.

Nyankopɔn pɛ dɛ yɛnantsew n’atsempɔn mu.

Bible no kã dɛ hɛn Bɔfo no pɛ dɛ ‘ɔkyerɛkyerɛ hɛn n’akwan’ na ama “yɛanantsew n’atsempɔn mu.” (Isaiah 2:2, 3) Wɔahyehyɛ nkorɔfo bi “ama ne dzin” ama n’apɛdzeyɛ aada edzi wɔ mbea nyina.​—Ndwuma 15:14.

Nyankopɔn pɛ dɛ yɛbɔ mu som no.

Dɛ nkyɛ Jehovah no nokwar som dze mpaapaamu bɛba nyimpa mu no, ɔkã hɔn bɔ mu wɔ nokwar dɔ mu. (John 13:35) Woananom na ndɛ wɔrekyerɛkyerɛ mbarimba na mbaa wɔ mbea nyina ɔkwan a wɔfa do som Nyankopɔn wɔ koryɛ mu? Yɛto wo nsa dɛ yɛ iyi ho nhwehwɛmu wɔ nwomaba yi mu.