E vinakata na Kalou meda bula vakacegu qai mamarau ena vuravura parataisi me tawamudu!

O na rairai vaqaqa, ‘Ena rawa vakacava qori?’ E kaya na iVolatabu ni Matanitu ni Kalou ena cakava qori, qai inaki sara ga ni Kalou vei keda kece meda kila na Matanitu qori kei na nona inaki me baleti keda.​—Same 37:11, 29; Aisea 9:7.

E vinakata na Kalou meda marau.

Me vaka nona vinakata e dua na tama dauloloma me ratou marau na luvena, e vinakata tale ga na Tamada vakalomalagi meda vakila na marau tawamudu. (Aisea 48:17, 18) E yalataka sara ga ni “o koya e cakava na loma ni Kalou ena tu ga me sega ni mudu.”​—1 Joni 2:17.

E vinakata na Kalou meda muria nona sala.

E kaya na iVolatabu ni vinakata na Dauveibuli me ‘vakavulici keda ena nona ivalavala’ meda “muria na nona sala.” (Aisea 2:2, 3) E vakarautaka o koya “e dua na ilawalawa me vakatokai ena yacana” mera vakatakila na nona inaki e vuravura raraba.​—Cakacaka 15:14.

E vinakata na Kalou meda duavata ni sokaloutaki koya.

Na sokalou savasava vei Jiova e sega ni vakavuna na veisei, ia e veivakaduavatataki ena loloma dina. (Joni 13:35) O cei e vakavulici ira tiko na lewenivanua nikua ena sala me qaravi kina na Kalou ena duavata? Moni kila qori, oni sureti moni wilika na brochure qo.